Алдарт торгоны замаар тэмээгээр аялахаар Лондонг зорьсон аялагч Н.Байгальмаа бүсгүй нийт 1889 км замыг туулаад байгаа аж. Одоогоор Казахстан улсаас нэвтрэх зөвшөөрөл хүлээж байгаа юм.

Тэрбээр энэ зуураа АНУ-аас урилга хүлээн авч тэмээ сонирхогч аялагч нарт зориулсан арга хэмжээ зохион байгуулж буй.

Мөн Невада мужид монгол гэр бааз байгуулжээ. Аялагч бүсгүй энэ тухайгаа "Миний гэр бүлийн хувьд Монгол хүн болж төрсөн үүргээ сайн гүйцэтгэж байгаа. Лас Вэгас хотод жилд 40 сая жуулчин ирж буцдаг бөгөөд шоу ертөнц, аялал, казино, үзвэр,үйлчилэгээ хүний хийхийг хүсдэг бүгд цогцолон бүтсэн газар. Энэ тухай бичээд байвал дуусашгүй..

Ерөнхийдөө хөгжилдөн цэнгэлддэг өөр нэг гариг гэж ойлгож болно. Иймд энд босож байгаа Монгол өв соёл бол гарцаагүй Монголын сурталчилгаа мөн билээ.Хоёулханаа аяллынхаа хажуугаар 14 хоног салж унталаа ажиллаж энэ бүхнийг босгов. Харин 20дм том гэр бол овоо хөөрхөн ажил болох байх. Тэмээтэй улс дамнах аялал Монголын аялал жуулчлалд асар нөлөөтэйгээс гадна, Монголд жижигхэн бизнес хийдэг олон хүнд нөлөөтэй аялал болж байна...Бид энэ бүхнийг Нарантуул зах болон хувиараа үйлдвэрлэл эрхэлдэг хүмүүсээс худалдан авсан" хэмээн бичжээ.


Share