Нийслэлийн хэмжээнд 2017 оны хоёрдугаар ээлжийн цэрэг татлага өнөөдөр эхэлж энэ сарын 22-ныг хүртэл үргэлжилнэ. Цэргийн албаны татлагад 18-25 насны залуус хамрагдах юм. Харин гадаадад оршин суугаа цэргийн насны иргэд Монгол Улсын хилийг нэвтэрч гарсан гэсэн бичгийг Хил хамгаалах ерөнхий газраас өөрийн ойрын хүнээр авахуулж харьяа дүүргийн цэргийн штабад аравдугаар сарын 20-ны өдрөөс өмнө өгсөн байх ёстой.