Мet Гала үдэшлэгийн улаан хивсний ёслол дээр сонирхолтой хосууд ирсэний нэг нь тэрбумтан Элон Маск болон Канадын дуучин Граймс нар байсан юм.

Маск урт хугацаанд амжилттай хүчирхэг эмэгтэйчүүдтэй нэр холбогдож байсан. Түүний шинэ харилцаа нь өмнөх харилцаануудаас нь тэс ондоо сонголт байсан нь хүмүүсийн анхаарлыг татсан байна. Хосууд өнгөрсөн тавдугаар сард харилцаагаа олонд зарлажээ.

Дуучин Граймсын жинхэнэ нэр нь Клэйр Бауэр бөгөөд Канадын Ванкувер хотод өссөн. Тэрээр бүтээлч арт чиглэлээр сургуульд сурч байсан ба Макгилла их сургуульд элсэн орох хүртлээ хөгжим сонирхдоггүй байжээ. Түүний найз нь ятгаснаар хамтлагт дуулж эхэлсэн бөгөөд удалгүй бас нэг найз нь хөгжмийн бичлэг хийх талаар харуулжээ. 

2010 онд анхны цомгоо гаргасан бол хоёр дахь цомгоо оны сүүлээр гаргасан юм. Улмаар их сургуулиа хаяж хөгжмийн карьераа эхлүүлсэн байна. Мөн тэрээр продюссерийн ажлыг давхар хийж эхэлсэн байна. Тэрээр мөн компьютер тоглоомын хорхойтон юм.

Граймс болон Маск нар твиттерээр анх танилцжээ. Маск хиймэл оюун санааны талаар хошигнол хийхээр төлөвлөж байжээ. Ялангуяа “Flesh without  Blood” гэх видео бичлэгийн Рококо Басилискийн дүрийн тухай. Гэтэл түүний энэхүү оролдлогыг Граймс аль хэдийн хийснийг олж мэдсэн байна.

Тэд твиттер дээр бие биенээ дагахаа больсон нь салсан гэсэн цуурхал төрүүлсэн ч тэд өнгөрсөн долоо хоногт хамт олны нүдэнд өртсөн бөгөөд дахин бие биенээ твиттерт дагаж эхэлжээ.

Share