Өнөөдөр УБ-аас Баян-Өлгий, Ховд, Говь-Алтай, Баянхонгор, Өвөрхангай аймаг руу нийтийн тээвэр зорчуулахгүй

Б.Баясгалан
10 сарын 20, 2020

Өнөөдөр Төв аймаг, Хэнтийн өмнөд, Дундговь, Дорноговийн хойд хэсгээр цасан шуурга шуурна. Мөн Өмнөговийн зүүн, Дундговь, Дорноговийн өмнөд хэсгээр салхи секундэд 18-20 метр хүрч ширүүсэж, нутгийн зүүн хагаст цас орж, цасан шуурга шуурч, хүйтэрч, халтиргаа гулгаа үүсэж зам даваа хаагдаж болзошгүйг ЦУОШГ-өөс онцгойлон анхааруулж байна.

Мөн өнгөрсөн шөнө зарим нутгаар цас орж, шуурч замын нөхцөл байдал хүндэрсэн учир өнөөдөр хот хоорондын зарим чиглэлд нийтийн тээврийн үйлчилгээг зорчуулахгүй байхаар Автотээврийн үндэсний төвөөс ажиллаж байна.

Тодруулбал, Өвөрхангай аймгийн Арвайхээр сумаас Булган аймгийн Рашаант сумдын хооронд замын нөхцөл байдал хүндэрсэн тул иргэдийн амь нас, эрүүл мэндийг болзошгүй эрсдэлээс урьдчилан сэргийлэх зорилгоор өнөөдрийн буюу 10 дугаар сарын 20-ны өдрийн Улаанбаатар хотоос Баян-Өлгий, Ховд, Говь-Алтай, Баянхонгор, Өвөрхангай, мөн Говь-Алтай-Улаанбаатар, Баянхонгор-Улаанбаатар, Өвөрхангай-Улаанбаатар чиглэлийн хот хоорондын нийтийн зорчигч тээвэрлэлтийн хөдөлгөөнийг эхлүүлэхгүй байх зохион байгуулалтын арга хэмжээ авч байна.


Эх сурвалж: Автотээврийн үндэсний төв

Холбоотой сэдвүүд

зам цагагаар цас

Сэтгэгдэл бичих

Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.