Венесуэлийн эрх баригчидтай хамтран ажиллаж буй гуравдагч орны эсрэг хориг арга хэмжээ авахыг үгүйсгэхгүй байна гэж АНУ-ын тусгай төлөөлөгчЭллиотт Абрамсмэдэгджээ.

“Хоёрдогч хориг арга хэмжээг авч хэрэгжүүлэх шийдвэрийг бид хараахан гаргаагүй байгаа хэдий ч ийм шийдвэр гаргах боломжтой юм” хэмээн тэрбээр хэлсэн байна.

Өөрийгөө түр ерөнхийлөгч хэмээн зарласан Венесуэлийн сөрөг хүчний удирдагч Хуан Гуайдог АНУ өмнө нь хүлээн зөвшөөрсөн билээ. Үүнтэй холбоотойгоор “АНУ-ын эрх баригчид улс орны дотоод хэрэгт хөндлөнгөөс оролцож, төрийн эргэлт хийхийг завдаж байна” хэмээн Венесуэлийн эрх баригчид мэдэгдэж байсан юм. 

Одоогоор АНУ Венесуэлийн эсрэг шууд хориг арга хэмжээг авсан байгаа бөгөөд тус улсын эдийн засагт ихээхэн нөлөө үзүүлж болзошгүй хоёрдогч хориг арга хэмжээг хараахан аваагүй байгаа юм.

Венесуэл дахь цэрэг, тагнуулын үүрэг оролцоогоо нэмэгдүүлсний улмаас Куба улсад үзүүлэх эдийн засгийн шахалтыг нэмэгдүүлэх тухай АНУ-ын төрийн тэргүүний Үндэсний аюулгүй байдлын асуудал эрхэлсэн туслах Жон Болтон өмнө нь мэдэгдсэн юм.  



Эх сурвалж: МОНЦАМЭ агентлаг, РИА Новости