БНХАУ, Монгол Улсын Засгийн газрын хөнгөлөлттэй зээлийн хөрөнгөөр хэрэгжүүлж байгаа “Яармагийн шинэ гүүр барих, хуучин гүүрийг засварлах төслийн ажил 2018 онд 90 хувьтай хийгдэж, өнгөрсөн оны 11 дүгээр сарын 2-ны өдөр төслийн нийт замын хөдөлгөөнийг нээсэн. 

Төслийн үлдсэн ажил буюу ногоон байгууламжийн ажил, гэрэлтүүлгийн ажил, борооны ус зайлуулах шугамын ажлуудыг өнгөрсөн 04 дүгээр сарын 15-ны өдрөөс үргэлжлүүлэн хийж буй аж. Харин Авто замын өнгөн хучилтын ажлыг энэ сарын 11-ны өдрөөс эхлүүлэх гэж буйтай холбоотойгоор тус гүүрний чиглэлүүдийг хуваарийн дагуу хэсэгчлэн хаахаар болжээ. 

Тус ажил 5 дугаар сарын 23-ний өдрийг хүртэл үргэлжлэх бөгөөд замыг хэсэгчлэн хааснаар замын хөдөлгөөнд саад учрахгүй ч ачаалал нэмэгдэх тул тус чиглэлд  зорчигчидод хэсэгчлэн хаах хуваарийг танилцуулж байна.

Эх сурвалж: Нийслэлийн авто замын хөгжлийн газар