Сүүлийн жилүүдэд нийгмийн сүлжээний томоохон платформууд, ялангуяа богино видео контент нь хүүхэд, өсвөр насныхныг донтуулах эрсдэлтэй байгаад эцэг эх, судлаач, хууль тогтоогчид сэтгэл зовиносоор ирсэн.

Тэгвэл “YouTube” өсвөр насныхны цахим хэрэглээг хянах, хамгаалах зорилгоор эцэг эхчүүдэд зориулсан шинэ хяналтын тохиргоонуудаа танилцууллаа. Шинэ тохиргоогоор эцэг эхчүүд хүүхдийнхээ YouTube-ийн “Shorts” буюу богино бичлэг үзэх хугацааг өдөрт 0-120 минут хүртэл байхаар тохируулах боломжтой болох юм байна.

Өөрөөр хэлбэл, богино бичлэг үзэх боломжийг бүрэн хаах, эсвэл тодорхой хугацаагаар хязгаарлах сонголттой болж байгаа юм. Ингэснээр эцэг эх хүүхдээ хичээлдээ анхаарах шаардлагатай гэж үзвэл Shorts-ийг хаах, харин холын аян замд явж байвал тодорхой цагийн хязгаарлалттайгаар үзүүлэх боломж бүрдэж байна.

Түүнчлэн хүүхдэд зориулсан YouTube хаяг шинээр үүсгэх, нэг төхөөрөмж дээр эцэг эх болон хүүхдийн аккаунтын хооронд шилжих үйл явцыг илүү хялбаршуулжээ.

Үүнээс гадна YouTube өсвөр насныханд санал болгодог контентын бодлогоо шинэчилж, тэдэнд танин мэдэхүйн мэдлэг олгох, урам зориг өгөх, сэтгэлзүйн эрүүл мэндийг дэмжих агуулгыг түлхүү хүргэх аж. Харин хэт төгс бие галбирыг дөвийлгөн харуулсан, өсвөр үеийнхэнд буруу үлгэр дуурайлал үзүүлэх эрсдэлтэй контент руу дахин дахин хөтөлдөг бичлэгүүдийг хязгаарлах бодлогоо илүү чангатгана гэлээ. 

Ийм төрлийн зохицуулалт нь YouTube-ээс гадна Instagram, ChatGPT зэрэг бусад томоохон платформуудад мөн хэрэгжиж байгаа юм.

"Shorts" үзэх цагийг хязгаарлах заавар:

• Гар утсан дээрээ YouTube апп-ыг нээнэ

• Эцэг эхийн аккаунтаар нэвтэрсэн эсэхээ шалгана

• Баруун дээд буланд байгаа профайл зураг дээр дарна

• Хүүхдийн (teen) аккаунт-ыг сонгоно

• Settings (Тохиргоо) → Parental controls / Controls хэсэгт орно

• Shorts эсвэл Shorts time limit гэсэн хэсгийг дарна

• Өдөрт үзэх хугацааг 0–120 минут хооронд сонгоно
  

  • 0 минут → Shorts бүрэн хаагдана

  • 30, 60, 120 минут → тодорхой хугацаатайгаар үзнэ

• Save / Apply товчийг дарж тохиргоог баталгаажуулна

Санамж: Shorts-ийн хязгаарлалт зөвхөн supervised аккаунтад үйлчилнэ. 

Supervised аккаунт гэдэг нь эцэг эхийн хяналттай, хүүхэд/өсвөр насныханд зориулсан YouTube аккаунт юм. Энгийнээр хэлбэл хүүхэд YouTube ашиглана. Эцэг эх Family Link-ээр хянаж, тохируулна.

Өсвөр насныханд зориулсан (supervised) Google / YouTube аккаунт нээх заавар: 

1️. Google Family Link татах

• Android: Play Store → Google Family Link

• iPhone: App Store → Google Family Link

Жич: Family Link нь хүүхдийн аккаунтыг удирдах албан ёсны Google-ийн хэрэгсэл юм.

2️. Хүүхдийн Google аккаунт үүсгэх

• Family Link апп нээнэ
• “Add child” дээр дарна
• “Create account for your child” сонгоно. 
  -Хүүхдийн нэр,  төрсөн он, сар, өдөр, gmail хаяг (шинээр үүсгэнэ)
• нууц үг оруулна.

3️. Хүүхдийн төхөөрөмжид холбох

-Android утас / таблет

• Шинэ утсанд бол эхний асаалт дээр Child account сонгож нэвтэрнэ

• Ашиглаж байгаа утас бол:

  • Settings → Accounts → Add account → Google

  • Хүүхдийн үүсгэсэн аккаунтаар нэвтэрнэ

-iPhone / iPad

• YouTube, Gmail, Chrome зэрэг апп-д хүүхдийн Google аккаунтаар нэвтэрнэ

• Family Link-ээр дамжуулж хянана 

Жич: 13–17 насныханд YouTube Kids биш, supervised YouTube ашиглана.

Эх сурвалж: CNN