Баруун Африкт нэгэн эр Эбола вирустэй төрөл Марбург вирусээр өвчилж, нас баржээ. Үүний дагуу ДЭМБ тэрхүү хөнөөлт вирусийн тархалтыг даруй зогсоохоор тэмцэж байна.

Өнгөрөгч долдугаар сард нэр нь үл мэдэгдэх эр Гвиней улсын Гекеду мужид халуурч, толгой нь өвдөж, ядарч сульдсан байдалтай иржээ. 

Гэвч тэрээр энэ сарын 2-ны өдөр нас өвчний хүндрэлээр нас барсан байна.

Харин шинжилгээний дүнгээр тухайн эрэгтэй Марбург хэмээх маш хөнөөлт вирусээр халдварласан байсныг илрүүлжээ.

ДЭМБ-ын мэдээлж байгаагаар тус вирусийг туссан тохиолдолд амь насаа алдах магадлал 88 хувьтай байдаг гэнэ. 

Марбург нь Эбола вирустэй нэг омог бөгөөд Эбола вирусээр 2014-2016 оны хооронд нийт 11325 хүн амь насаа алдаж, энэ оны эхэнд ч мөн 12 хүний амийг авч одсон юм. 

Одоогоор тус вирусийг сарьсан багваахайгаас гаралтай гэж үзэж байгаа ба улмаар өөр амьтдад халдварлан тэдгээр амьтад нь хүнд дамжуулсан гэж таамаглаж байгаа гэнэ. 

Залууг нас барахаас өмнө уулзсан нийт 146 хүнийг ойрын хавьтлаар бүртгээд байгаа ажээ.

Энэхүү вирус нь Африкийн өмнөд бүсэд хэдэнтээ илэрсэн ч тухайн бүсэд өмнө нь огт бүртгэгдэж байгаагүй юм. 


Эх сурвалж: NY Post

Share