Дэн Эбботт болон Лиззи Дейли нар долоо хоног далайн амьтадтай шумбах төсөл хэрэгжүүлж явахдаа Ризостома пульмо буюу торхон залхагтай тааралдсан аж. Тэд анх цэнхэр акул дүрснээ буулгахаар явсан ч цаг уурын нөхцөл байдал муудаж Б төлөвлөгөөнд орсон гэнэ. 

Торхон залхагийн бичлэг интернетээр шуугиулж ноён Эбботт амьдралынхаа хамгийн сонирхолтой 3 өдрийг өнгөрөөсөн гэхдээ сошиал хандалтаас илүү тэр аварга амьтантай усан дор хамт байсан нь их догдлуулсан тухай ярьлаа. 

Шумбагчид Wild Ocean Week гэх далайг хамгаалах төсөлд төсөв босгохоор Их Британийг тойрон далайгаар хэрэн хэсчээ. Тэд дүрсэнд буулгасан бичлэгээ сошиал медиад нийтэлж хүмүүсээс төсөв босгосон гэв. Ноён Эбботт “Бид эхлээд залхаг хайж яваагүй. Тэнд байгаа ч гэж мэдээгүй.” хэмээсэн. 

Торхон залхагийн тухай баримтууд:

  • Торхон залхагийн шүхэрлэг толгой нь 90 сантиметрийн тойрогтой, 35 хүртэлх килограмын жинтэй

  • Аварга хэмжээтэй болохоор нь “Хогийн тантан” гэх нь ч бий

  • Аюул багатай, бага зэрэг л хатгадаг

  • Торхон залхаг Тавдугаар сараас Аравдугаар сарын хооронд Английн өмнөд болон баруун эргээр ховор үзэгдэнэ

  • Тэд өргөст тэмтрүүлээр нэг эст мэтийн жижиг амьтдыг олзолж иддэг