- Чамд бие махбод байна. Тэр чамд таалагддаг ч байж болно, таалагддаггүй ч байж болно. Гэхдээ энэ бие бол насан эцэслэх хүртэл чиний мэдэлд байх цор ганц зүйл.
- Чи “Дэлхий дээрх амьдрал” нэртэй сургуульд заавал суралцах ёстой. Хүн бүр, үйл явдал бүр багш чинь болог.
- Алдаа гэж байхгүй, зөвхөн сургамж гэж байна. Бүтэлгүйтэл бол амжилтын салшгүй нэг хэсэг. Буруугүй хохирогч гэж байдаггүй юм бүгд л дөнгөж суралцагчид.
- Сургамжийг бүрэн автал чинь амьдрал чамд сургамжийг төрөл бүрийн аргаар өгөх болно. Хөнгөн хичээлийг сураагүй бол улам л хүндэрнэ. Нэг хичээлийг бүрэн сурсны дараа дараагийн хичээл ирэх болно.
- Гадаад асуудал бол чиний дотоод байдлын тусгал. Дотоод ертөнцөө өөрчилбөл гадаад ертөнц ч гэсэн чиний хувьд өөрчлөгдөх болно.
- Зовлонд хандах хандлага, үйлдэл чинь өөрчлөгдсөн цагт чи сургамж авсан гэж ойлгож болно. Дадал, туршлагын тусламжтайгаар мэргэн ухааныг олж авна.
- “Энд”, “одоо” гэдгээс илүү дээр цаг, байршил гэж байдаггүй. “Тэнд” “энд”-ээс огтхон ч дээр биш. Чиний “тэнд” гэдэг “энд” болох цагт, өөр нэгэн “тэнд” гарч ирж, одоох “энд”-ээс дээр юм шиг санагдах болно.
- Бусад хүмүүс бол чиний тусгал. Чиний өөрийн шинж чанарын тусгал болоогүй цагт чи бусдын аливаа шинжийг хайрлаж эсвэл үзэн ядаж чадахгүй.
- Амьдрал зөвхөн хүрээг нь босгоно, харин доторх зургийг чи өөрөө зурна. Өөрийн зургаа өөрөө зурж чадахгүй бол өөр хэн нэгэн чиний өмнөөс зурах болно.
- Чи хүссэн бүх зүйлээ авах болно. Чиний өнгөрсөн болон одоогийн хүсэл, бодлууд ирээдүйг чинь тодорхойлдог юм.
- Бүх асуултын хариулт чамд буй. Чи номон дээр бичигдснээс илүү ихийг мэднэ. Гагцхүү тэрийг санахын тулд ном унших, дотор хүнээ таних, сонсох, түүнд итгэх хэрэгтэй байдаг.
- Чи энэ бүгдийг ор тас мартах болно.
