Баян-Өлгий аймаг дахь Цагдаагийн газрын эргүүлийн цагдаа, ахлах ахлагч И.Эрдэнэшагай Ховд голын ус руу амиа хорлохоор явсан эмэгтэйг аврах гэж байгаад амь насаа алдсан харамсалтай явдал гарсан билээ.

Тэрээр Баян-Өлгий аймгийн Алтай суманд төрж өсөн, бүрэн дунд сургуулиа дүүргэж Их засаг их сургуулийг бие хамгаалагч мэргэжлээр, 2012-2015 онд мөн Их засаг сургуулийг эрх зүйч мэргэжлээр суралцан төгсөөд цагдаагийн албанд 7 жил ажилласан нэгэн юм.

Сүүлд тэрээр шинэ ажил үүргээ хүлээн аваад удаагүй байхдаа ийнхүү бусдын төлөө амь насаа алдсан талийгаачийн ар гэрт туслах "Халуун сэтгэл аян"-ыг өчигдрөөс өрнүүлж эхэлжээ.

Тус аян ард нь үлдсэн эхнэр хүүхдэд нь байртай болгох зорилготой аж. Талийгаач цагдаа эхнэр, хоёр настай хүү, төрөөд 20 ч хоноогүй бяцхан охинтой юм.

Мөн өнөөдөр орой аймгийн Баян-Өлгий аймгийн төв талбайд 1000 зул өргөх ёслол зохион байгуулахаар болжээ.

Одоогоор хандивын дансанд нэг сая төгрөг цугларсан бөгөөд орон нутгийн иргэд аяныг идэвхтэй дэмжин нэгдэж байгаа аж.

Хандивын данс: Хаан банк - 5197212141

Лавлах утас: 99511539, 99500577, 95425510




Share