Монгол Улсын Ерөнхийлөгч Х.Баттулга өнгөрсөн даваа гарагт Максимын Чинбат, Содонгийн Алиманцэцэг нарыг Монгол Улсын Ерөнхий прокурорын орлогчийн албан тушаалд томилох асуудлыг зөвшилцөхөөр УИХ-д хүргүүлсэн.
Тус асуудлаар МАН-ын бүлэг өнөөдөр хуралджээ.
Энэ талаар МАН-ын бүлгийн дарга Д.Тогтохсүрэн "Өнөөдрийн хурлаар Монгол Улсын Ерөнхий Прокурорын орлогч нарыг томилох асуудлаар зөвшилцөх тухай Ерөнхийлөгчийн саналыг хэлэлцсэн.
Ерөнхийлөгчөөс Прокурорын тухай хуулийн дагуу УИХ-тай зөвшилцөхөөр М.Чинбат, С.Алиманцэцэг гэдэг 2 хүний нэрийг оруулж ирсэн. МАН-ын бүлгийн хурлаар энэ хоёр хүнийг хэлэлцээд, гишүүдийн олонх нь дэмжсэн.
Тиймээс УИХ-ын Байнгын хороод болон чуулганы нэгдсэн хуралдаан дээр энэ хоёр хүнийг дэмжье гэдэг санал дээр тохиролцлоо" хэмээн мэдэгдлээ.
Максимын Чинбат нь:
- 1995-1997 онд Сүхбаатар аймгийн прокурорын газарт Хяналтын прокурор
- 1997-2001 онд Сүхбаатар аймгийн прокурорын газарт Аймгийн прокурорын орлогч
- 2001-2007 онд Сүхбаатар аймгийн прокурорын газарт Аймгийн прокурор
- 2007-2011 онд Багануур дүүргийн прокурорын газарт Туслах прокурор
- 2011-2014 онд Багануур дүүргийн прокурорын газарт Орлогч прокурор
- 2014-2015 онд Дүүргийн I прокурорын газарт Тамгын хэлтсийн дарга
- 2015-2017 онд Баянгол дүүргийн прокурорын газарт Хяналтын прокурор
- 2017 онд Баянгол дүүргийн прокурорын газарт Тамгын хэлтсийн дарга
- 2017-2019 онд Чингэлтэй дүүргийн прокурорын газарт Ахлах прокурор
- 2019 оны хоёрдугаар сараас одоог хүртэл Улсын Ерөнхий прокурорын газарт Хяналтын хэлтсийн Прокуророор ажиллаж байна
Содонгийн Алиманцэцэг нь:
- 1997-2001 онд Баянгол дүүргийн прокурорын газарт Хяналтын прокурор
- 2001-2002 онд Нийслэлийн прокурорын газрын Мөрдөн байцаах хэлтэст Хяналтын прокурор
- 2002 онд Чингэлтэй дүүргийн прокурорын газарт Мөрдөн байцаалт хариуцсан Хяналтын прокурор
- 2002-2005 онд Баянгол дүүргийн прокурорын газрын Хэрэг бүртгэл хариуцсан прокурор
- 2005-2010 онд Улсын Ерөнхий прокурорын газрын Мөрдөн байцаах хэлтэст Хяналтын прокурор
- 2010-2012 онд Сүхбаатар дүүргийн прокурорын газрын Мөрдөн шалгах ажилд хяналт тавих Хяналтын прокурор
- 2012-2014 онд “МИАТ” ТӨХК-ийн Хуулийн хэлтэст Хэлтсийн дарга
- 2014-2015 онд Нийслэлийн прокурорын газарт Хяналтын прокурор
- 2015 онд Дүүргийн I прокурорын газарт Хяналтын прокурор
- 2015-2018 онд Сүхбаатар дүүргийн прокурорын газрын Хэрэг бүртгэх, мөрдөн байцаах ажилд хяналт тавих Туслах прокурор
- 2018 онд Сүхбаатар дүүргийн прокурорын газрын Хэрэг бүртгэх, мөрдөн байцаах ажилд хяналт тавих Ахлах прокурор
- 2018 оны аравдугаар сараас одоог хүртэл Чингэлтэй дүүргийн прокурорын газрын Зөрчил шалган шийдвэрлэх ажиллагаанд хяналт тавих Ахлах прокуророор ажиллаж байна.