Дэлхий дахинд энэ өдөр буюу хоёрдугаар сарын 25-нд тохиосон онцлох үйл явдлуудаас хүргэж байна.
1831 оны энэ өдөр Хаант Оросын эсрэг Польшуудын бослого дэгдэв. Бослогын нэг хэсэг болох Ольшинка Грочововскагын тулаан болжээ.
1836 оны энэ өдөр зэвсэг зохион бүтээгч Самуэль Кольт өөрийн гар бууг патентжуулав.
1843 оны энэ өдөр Хавайг эзлэн түрэмгийлсэн Их Британийн Лорд Жорж Полет тус арлыг Их Британийн газар нутаг хэмээн зарлав.
1856 оны энэ өдөр Крымийн дайныг зогсоох зорилготой Парисын энхийн хэлэлцээ эхэлжээ.
1866 оны энэ өдөр АНУ-ын Калифорни мужийн Калаверас тойрогт байрлах уурхайн ажилчид эртний хүний гавлын ясыг илрүүлжээ. Хожим "Калаверасын гавал" гэж алдаршсан энэ олдворын хамт хирс, заан, арслан зааны араг яс олдсон гэдэг.
1870 оны энэ өдөр АНУ-ын Конгресст анхны хар арьст гишүүн сонгогдов. АНУ-ын Сенатын танхимд Бүгд найрамдах гишүүн Хирам Родес Ревельс сонгогдож, тангараг өргөжээ.
1875 оны энэ өдөр Хятадын Манж Чин гүрний хаан Гуансугийн хаанчлал эхлэв.
1901 оны энэ өдөр Алдарт бизнесмэн Ж.П.Морган "АНУ-ын төмрийн корпораци"-ийг байгуулжээ.
1919 оны энэ өдөр АНУ-ын Орегон муж нэг галлон газрын тосноос нэг центийн татвар авах хууль батлав. Ингэснээр АНУ-ын мужуудаас хамгийн анх удаа шатах тослох материалд татвар ногдуулсан муж болсон юм.
1921 оны энэ өдөр VIII Богд Жавзандамба хутагтыг Монгол Улсын хаан ширээнд дахин залж, Таван яамтай Засгийн газар байгуулагджээ.
1921 оны энэ өдөр Бүгд найрамдах ардчилсан Гүрж улсыг Большевист Орос бүрэн эзлэв.
1928 оны энэ өдөр Америкийн радио өргөн нэвтрүүлгийн анхны лицензыг "Чарльз Женкинсийн Лаборатори" авчээ.
1941 оны энэ өдөр Нацистын Германд эзлэгдсэн Голланд улсын ард иргэд еврейчүүдийг эсэргүүцэн бүх нийтийн ажил хаялт зарлажээ.
1945 оны энэ өдөр Дэлхийн хоёрдугаар дайн: Турк улс Германд албан ёсоор дайн зарлав.
1947 оны энэ өдөр Холбооны хяналтын зөвлөлийн шийдвэрээр Пруссийн хаант улсыг задлан бутаргажээ.
1948 оны энэ өдөр Чехословакын засгийн эрхийг коммунистууд эзлэснээр Гуравдугаар Бүгд найрамдах улсын эрин үе эцэс болов.
1956 оны энэ өдөр ЗХУ-ын шинэ удирдагч Никита Хрущев өмнөх удирдагч Йосеф Сталиныг орос үндэстний эсрэг гэмт хэрэг үйлдсэн гэж цоллов.
1968 оны энэ өдөр Вьетнамын дайн: Өмнөд Вьетнамын Ха Ми тосгонд болсон цэргийн ажиллагааны улмаас 135 энгийн иргэн амиа алджээ. Уг халдлагыг Өмнөд Солонгосын цэргүүд үйлдсэн байдаг.
1980 оны энэ өдөр Суринам улсад төрийн эргэлт болж, Деси Бутерсе засгийн эрхийг авав.
1991 оны энэ өдөр Персийн булангийн дайн: Иракийн бөмбөгдөгч онгоцнууд Саудын Арабын Дахран хотод байрлах АНУ-ын зэвсэгт хүчний анги руу халдав. Халдлагын улмаас АНУ-ын 28 цэрэг амиа алджээ.
1997 оны энэ өдөр Хойд Солонгосын хэлэлцээрийн зуучлагч И Хан-Ёнг Өмнөд Солонгосын Бунданг хотод учир битүүлэг байдлаар алагджээ.
Мөн энэ өдрийг:
Унгар - Коммунист дарангуйлалд амиа алдагсдыг дурсан санах өдөр
Кувейт - Үндэсний өдөр
Филиппин - Иргэдийн хүчний өдөр
Суринам - Хувьсгалын өдөр
Гүрж - Зөвлөлтийн эзлэн түрэмгийллийн өдөр
Бүгд Найрамдах Доминикан Улс - Зэвсэгт хүчний өдөр хэмээн улс орнууд тус тус тэмдэглэн өнгөрүүлдэг байна.