Та шидэт үлгэрийн юм шиг хурим хийхийг хүсдэг үү? Тийм бол энэ мэдээ таныг баярлуулах нь дамжиггүй. Дисней болон Allure Bridals хамтран хурмын даашинзны цуглуулгаа худалдаанд гаргажээ.

Ихэнх эмэгтэйчүүд ёслолын хивсэн дээр гүнж шиг алхахыг мөрөөддөг. Тэгвэл Диснейн эдгээр хуримын даашинзны тусламжтайгаар хүслээ гүйцэлдүүлж чадах нь ээ. Диснейн алдарт гүнжүүдээс санаа авсан дуу алдам нөмрөгүүд ч Allure Bridals -ын онлайн дэлгүүрт зарагдаж буй аж.

Тэд нийт 16 загварыг танилцуулсан ба охидын мөрөөдөл болсон Ариел, Үнсгэлжин, Покахонтас, Жасмин, Аурора, Рапунзел, Тиана, Цасан цагаан болон Белл нараас үлгэр авсан гэнэ. 

Загваруудын зарим нь энэ Нью-Йоркийн хуримын загварын долоон хоног дээр танилцуулагдсан байна. Тиана гүнжээс сэдэвлэсэн даашинз л гэхэд дэрэвгэр хормой, торон материалаар урлагджээ. Нийт 7 төрлөөс бүрдэх цуглуулгын нэг хэсэг болох нөмрөг л гэхэд 3.5-10 мянган доллар гэнэ. Мөн цуглуулгын зарим бүтээл шигтгээ болон зүүмэл, хатгамал чимэглэлтэй юм байна.

credit: Allure Bridals

Уг цуглуулгын хамгийн хямд хувилбар нь 1.2-2.5 мянган доллараар үнэлэгдэх юм.  

Эх сурвалж: Glamour DE