Күнзийн сургаальд суртал Хятад үндэстний оюун сэтгэлгээний суурь болсоор ирсэн билээ. Түүний зөвлөсөн мөнгөө хадгалж хуримтлуулах гурван түрийвчний арга хамгийн алдартай. Хэдэн зуун жил өнгөрсөн ч  тэд мөнгө хуримтлуулахдаа энэхүү зарчим баримталдаг хэвээрээ. Гудамж цэвэрлэгч жирийн ажилчин хүртэл дансандаа сая сая юанын хадгаламжтай байдаг нь тэдний Баримталдаг энэ философитой холбоотой.

Нэг дэх түрийвч: 

Таван юан олвол нэгийг хадгалах зарчим. Энэ бол заавал хадгалах ухаан юм. Энэ хадгаламжинд бараг гар хүрэхгүй учраас насан туршийнх гэж үзэж болно. Нас дээр гарч тэнхэл алдахад энэ мөнгөнийхөө ачаар тэд тайван амьдарцгаадаг. Тиймээс Хятадын ахмад настнууд хамгийн баян аялагч нарын тоонд ордог ажээ. 


Хоёр дахь түрийвч:

Хоёр дахь нь гэнэтийн эрсдэлд зориулсан хадгаламж юм. Үүнийг тухайн хүний өвдөх, гэр бүлд нь гэнэтийн хэрэгцээ гарахад зарцуулдаг. Энэ хадгаламжийн ачаар амьдралын нэн чухал хуримтлал руугаа гараа хэзээ ч дүрдэггүй байна.

Гурав дахь түрийвч:

Гурав дахь нь хэрэгцээний хадгаламж юм. Энэ бол өдөр тутмын хэрэгцээний мөнгөө хуримтлуулах арга. Өдөр тутамдаа аар саархан худалдаа хийхдээ хүртэл өөрөөсөө “Энэ зүйл надад үнэхээр хэрэгтэй юу” гэж үргэлж асуух чухал гэнэ. Харин хэрэггүй гэж үзвэл тэрхүү мөнгөө энэ түрийвч буюу хадгаламжиндаа хийх хэрэгтэй.