Өнөөдөр МБА-наас мэдээлэл хийж, 13 секунтын бичлэг байгаа гэдэг нь нотлогдоогүй, иргэн “Г”-гийн талийгаачийн ар гэрийнхэнд явуулсан мессэж нь худлаа, хуурамч мэдээлэл өгч, 15 сая төгрөг авсан нь тогтоогдсон гэх мэдээллийг хийсэн билээ.

Энэхүү мэдээллийн дараа Н.Номтойбаярын дүү Н.Цэлмүүн "Бичлэг байхгүй, залилангийн хэрэг удаа дараа үйлдэж байсан “Г” гэгчийн байгаа гэх л худал үг хангалттай байж. Үнэн хэзээд ялна! Талийгаачийн үр хүүхдүүд миний үеийн л залуучууд, нийгэмдээ олигтой хийсэн зүйл лав харагдсангүй, эцгийнхээ үхлээр олон нийтийн өмнө гарч бусдыг гүтгэх замаар нэр хүндэд гарах гэсэн арчаагүй залуучууд. Манай үеийн төлөөлөл гэхээс ичмээр!" хэмээн бичжээ.

Харин үүний хариуд Бүтээн байгуулагч Г.Батхүүг дэмжигчдийн хуудаст түүний үр хүүхдүүд нь "Н.Цэлмүүн уучлал гуйх ёстой. Эх хүн, эмэгтэй хүн гэхэд эргэлзмээр хатуу үгс хэлж сууна" хэмээн бичсэн байна.