"Нүдээ нээ" хөдөлгөөний хаалтын нэгдсэн жагсаалыг өнөөдөр Сүхбаатарын талбайд зохион байгуулна.

"Лантуун Дохио" ТББ, "Өгөх Өдөр Хөдөлгөөн" ТББ хамтран сүүлийн үед нийгэмд олноор гараад буй бага насны охидыг хүчирхийлэх, тэднийг гэмт хэргийн золиос болгож буй хараа хяналтгүй, хууль бус үйлдлүүдтэй тэмцэж, хүчирхийлэл гарах нөхцлийг бүрдүүлж буй дүрэм журмыг өөрчлөхөөр хэд хэдэн жагсаал зохион байгуулж, нийгэмд дуу хоолойгоо хүргээд байгаа. 

Тэд уг арга хэмжээгээ үргэлжлүүлэн "Нүдээ нээ" хөдөлгөөнийг эхлүүлсэн. Хөдөлгөөнд одоогоор 32.000 гаруй хүн нийгмийн сүлжээгээр нэгдсэн бөгөөд үүнд Улаанбаатарт буй иргэдээс гадна орон нутгийн иргэд, 10 гаруй улсад амьдарч байгаа Монголчууд идэвхтэй оролцож буй юм.

"Нүдээ нээ" хөдөлгөөнд нэгдсэнээр хувь хүн бүр иргэний үүргээ ухамсарлан хүчирхийллийн дэргэдүүр дуугүй өнгөрөлгүй, шаардлагатай тохиолдолд 102, 107, 108 дугаарууд руу мэдээллэх, өөрийн үр хүүхдүүддээ цаг гаргаж тэднийг ямар нэг эрсдэлд орохоос нь өмнө хамгаалж байхаа амлаад байгаа .

Тус хөдөлгөөнөөс таван удаа шаардах тайван жагсаал хийсэн бөгөөд өнөөдөр 14.00-18.00 цагт Сүхбаатарын талбайд нэгдсэн жагсаал хийнэ.  

Тиймээс хүүхдийн хүчирхийллийн эсрэг аав ээж, ах эгч, асран хамгаалагчид болон Монгол улсын иргэн бүр  идэвхтэй оролцохыг "Нүдээ нээ" хөдөлгөөнөөс уриалж байна.


Share