Оюутолгойн хөрөнгө оруулалтын гэрээ, офшор данс зэрэг асуудлаар Ерөнхий сайд асан С.Баярыг өнгөрсөн жилийн өдийд баривчилж байсан юм. Түүнийг албан тушаалын байдлаа урвуулан ашигласан, бусдад давуу байдал бий болгосон зэрэг үндэслэлээр он дамжуулан шалгаж буй.

Өчигдөр түүнд ялын дүгнэлтийг гардуулж, баривчлахаар оролдсон байна.

Тэрбээр энэ тухайгаа твитер хуудастаа "Өчигдөр надад прокурорын яллах дүгнэлт гардуулах гэв.Авахгүй гэдгээ мэдэгдэв.Учир нь би байтугай,тэд ичмээр дэндүү зохиомол, хөгийн үндэслэл бүхий яллах дүгнэлт аж. Урьд өдөр нь ачина гэж айлгав. Ачигдахыг хэн хүсэх билээ...Гэхдээ мань мэт арай өөр. Жарнаа үзсэн хүн айх юм бага" хэмээн бичсэн байна.

Өчигдөр надад прокурорын яллах дүгнэлт гардуулах гэв.Авахгүй гэдгээ мэдэгдэв.Учир нь би байтугай,тэд ичмээр дэндүү зохиомол, хөгийн үндэслэл бүхий яллах дүгнэлт аж.Урьд өдөр нь ачина гэж айлгав.Ачигдахыг хэн хүсэх билээ...Гэхдээ мань мэт арай өөр.Жарнаа үзсэн хүн айх юм бага

— S.Bayar (@SBayar12) March 11, 2020

 Түүний энэхүү жиргээний дор Сангийн сайд Ч.Хүрэлбаатар "Энэ ч арай хэтэрнэ ээ. Улсын төсөвт их наядаар нь орлого, эдийн засагт олон арван мянган ажлын байр, бизнесийг бий болгож, 2009 оноос дэлхийд нүүрлэсэн санхүү, эдийн засгийн хямралаас улсаа гаргаж ирсэн Ерөнхий сайддаа ингэж новшийн хандаж нохойноос дор үзэхгүй шүү монголчуудаа" гэжээ.