Нийслэлийн Засаг даргын Тамгын газар, БНХАУ-ын “Энхтайван” найрамдлын сангийн санхүүжилтээр Сонгинохайрхан дүүргийн 20 дугаар хороонд дүүргийн нэгдсэн эмнэлгийн хүүхдийн амбулатори ашиглалтад орлоо.

582м2, 3 лабораторитой хүүхдийн амбулатори тус хороонд  ашиглалтад орсноор Толгойт бүсийн хүүхдүүдэд эрүүл мэндийн тусламж үйлчилгээ ойртож эрт илрүүлэг, урьдчилан сэргийлэх үзлэг, шинжилгээнд хамрагдахад ойр болж байна. Өөрөөр хэлбэл 20 минутын хот хөтөлбөрийн хүрээнд бид Толгойт бүсийн иргэддээ эрүүл мэндийн тусламж үйлчилгээг ойртуулж байна. Цаашид 20 минутын хот хөтөлбөрийн хүрээнд эрүүл мэндийн тусламж үйлчилгээ, төрийн үйлчилгээ, соёл урлаг үзвэрийн үйлчилгээг ойртуулах хүрээнд бүтээн байгуулалтын ажлыг эрчимжүүлж, үе шаттай ажил арга хэмжээг хэрэгжүүлнэ. 

Энэхүү хүүхдийн амбулаторийг ашиглалтад оруулахад  туслалцаа үзүүлсэн НЗДТГ, Нийслэлийн Засаг дарга бөгөөд Улаанбаатар хотын Захирагч Х.Нямбаатар, БНХАУ-аас Монгол Улсад суугаа элчин сайд Шэнь Миньжуаг, БНХАУ-ын “Энхтайван” найрамдлын сангийн нарийн бичгийн даргаа Мистер Луй нарт гүн талархал илэрхийлье. 

Сонгинохайрхан дүүргийн иргэдийн эрүүл мэндийн төлөө сэтгэл зүрхээ зориулан ажиллаж буй хүн бүрт баяр хүргэж ажлын өндөр амжилт хүсье.