Дэлхийн олон улс орон коронавирусийн эсрэг вакцин гаргах марафонд хүч үзэж буй. Тэдний хийж буй вакцинаас одоогийн байдлаар ДЭМБ Pfizer-BioNTech, Moderna, AstraZeneca гэсэн гурван вакциныг албан ёсоор баталгаажуулж, бүртгээд буй. Энэ нь уг вакциныг хэрэглэхийг хүлээн зөвшөөрсөн гэсэн үг юм.

Тэгвэл бид энэ удаад аль улс коронавирусийн эсрэг ямар вакцин гаргасан, тухайн вакцин нь ямар үнэтэй байгаа талаар хүргэж байна.

Pfizer-BioNTech

АНУ-ын “Pfizer”, Германы “BioNTech” компани хамтран бүтээсэн уг вакцин нь гурван шатны туршилтаар 95 хувийн үр дүнтэй байгааг харуулсан. ДЭМБ 2020 оны 12 дугаар сарын 11-нд хүлээн зөвшөөрсөн. Pfizer-BioNTech вакциныг ойролцоогоор -94 градусын температурт хадгалах шаардлагатай бөгөөд үүнд нарийн мэргэжлийн хөлдөөгч шаардлагатай.

• Төрөл: mRNA
• Тун: 2, /21 хоногийн зайтай/
• Үнэ: Тун тутам 19.50 ам.доллар
• Үр дүн: 95 орчим хувь

Moderna

АНУ-ын “Moderna” компанийн бүтээсэн коронавирусийн эсрэг уг вакцин нь 94.5 хувийн үр дүн үзүүлсэн. Энэ нь коронавирусийн эсрэг хамгийн өндөр үр дүн үзүүлсэн АНУ-ын хоёр дахь вакцин юм. ДЭМБ 2020 оны 12 дугаар сарын 18-нд хүлээн зөвшөөрсөн. Moderna вакцин нь 2-4 градусын температурт, ердийн байшин эсвэл эмнэлгийн хөргөгчний температурт 30 хүртэл хоног тогтвортой байдаг ба -4 градусын температурт зургаан сар хүртэл хадгалах боломжтой. 

• Төрөл: mRNA
• Тун: 2, /28 хоногийн зайтай/
• Үнэ: Нэг тун тутамд 25- 37 ам.доллар
• Үр дүн: 95 орчим хувь

AstraZeneca

AstraZeneca ба Оксфордын их сургууль хамтран гаргасан уг вакцин нь коронавирусийн эсрэг 70 хувийн үр дүн үзүүлж буй аж. ДЭМБ-аас 2021 оны хоёрдугаар сарын 15-ны өдөр (БНСУ-ын SKBio, БНЭУ-ын Serum Institute-д тус тус үйлдвэрлэж буй) онцгой байдлын үед хэрэглэх вакцины жагсаалтдаа  бүртгэсэн. AstraZeneca вакциныг ердийн хөргөлттэй нөхцөлд ойролцоогоор -60-80 градусын температурт дор хаяж зургаан сарын турш хадгалж, тээвэрлэж  болно.

• Төрөл: Аденовирүсэд суурилсан
• Тун: 2, /28 хоногийн зайтай/
• Үнэ: Нэг тун тутамд 3- 8 ам.доллар
• Үр дүн: Одоогийн байдлаар 70 орчим хувь

Jonhson & Jonhson

Уг вакцин нь гурван шатны туршилтаар нэг тун вакцин хийлгэснээс хойш 28 хоногийн дараа дунд болон хүнд хэлбэрийн коронавирус өвчнөөс урьдчилан сэргийлэхэд нийтдээ 66 хувийн үр дүнтэй байгаа аж. Уг вакциныг одоогоор ДЭМБ албан ёсоор бүртгээгүй. Бусад  вакцинууд ойролцоогоор 28 хоногийн зайтай хоёр тун шаардлагатай байдаг бол J&J вакцинд зөвхөн нэг тун шаардлагатай юм байна.

• Төрөл: Аденовирүсэд суурилсан
• Тун: 1
• EUA баталж магадгүй огноо : 2021 оны 3 эсвэл 4 дүгээр сар
• Үнэ: Нэг тун тутамд 10 ам.доллар

Sputnik V 

Уг вакциныг анх өнгөрсөн оны 8 дугаар сард ОХУ-д ашиглахыг зөвшөөрсөн бөгөөд гуравдугаар шатны туршилтыг эхлүүлэхээс өмнө хоёр дахь тунгийн дараах үр дүн нь 92 хувь байсан гэж мэдэгджээ. Харин 2021 оны 2 дугаар сарын 2-нд гуравдугаар шатны туршилтын дараа уг вакцин нь коронавирусийн эсрэг 91.6 хувийн үр дүнтэй байна хэмээн Оросын Р-Фарм мэдээллэжээ. Одоогоор ДЭМБ бүртгэж аваагүй байна. 

• Төрөл: Аденовирүсэд суурилсан
• Тун: 2
• Үнэ: Нэг тун тутамд 10 ам.доллар
• Үр дүн: 91.4 хувь

Sinovac Biotech

2021 оны нэгдүгээр 13-нд БНХАУ-д төвтэй Sinovac Biotech компаниас уг вакцин нь Бразил дахь клиникийн сүүлийн шатны туршилтанд 50.38 хувийн үр дүнтэй байгааг мэдээлсэн. Турк улс уг вакцины үр дүнгийн түвшинг 2020 оны 12 дугаар сард 91.25 хувь гэж мэдээллэж байв. Одоогоор ДЭМБ мөн бүртгээгүй байна.

• Төрөл: Идэвхгүйжүүлсэн SARS-CoV-2 вирус
• Тун: 2
• Үнэ: Хятадад хоёр тун нь 60 доллар (нэг тун нь 29.75 доллар)
• Үр дүн: Эмнэлзүйн туршилтаас хамааран 50.3-91.2 хувь

Novavax

2021 оны нэгдүгээр сарын 28-нд Англид хийсэн гурван шатны туршилтаар Новавакс вакцины үр дүн 89.3 хувьтай байна хэмээн мэдэгдэв. Вакцин нь угсармал баяжуулалтын уураг агуулдаг бөгөөд 2-8 градусын температурт тогтвортой хадгалагдах боломжтой аж. 

• Төрөл: Уурагт суурилсан вакцин
• Тун: 2
• Үнэ: АНУ-д 16 доллар
• Үр дүн: 89.3 хувь

CanSino Biologics

CanSino Biologics вакциныг Хятадын армитай хамтран бүтээсэн. Энэ нь коронавирусээс урьдчилан сэргийлэхэд 65.7 хувийн үр дүнтэй байгаа аж. Гурван шатны туршилтад нийт 30,000 оролцогчид хамрагдсан бөгөөд хүнд өвчнөөс урьдчилан сэргийлэх 90.98 хувийн үр дүнтэй болохыг харуулжээ. Уг вакциныг ДЭМБ хүлээн зөвшөөрөөгүй байгаа. 

• Төрөл: Вирусийн вектор, антигенийг SARS-CoV-2 вирусаас аденовирүс дээр ачаалж байна.
• Тун: 1
• Үнэ: Тодорхойгүй
• Үр дүн: Шинж тэмдгийн шинж тэмдгээс урьдчилан сэргийлэх 65.7 хувь, Хүнд өвчнөөс урьдчилан сэргийлэх 90.98 хувь

Эх сурвалж: biospace.com