Улс төр

Т.Аюурсайхан: Ц.Элбэгдорж Захирал бэртэйгээ нийлж, МУ-ын Эрдэнэсийн санг хохироосныг тогтоосон

Б.Баясгалан
04 сарын 26, 2019

УИХ-ын чуулганы өнөөдрийн нэгдсэн хуралдаан 53 хувийн ирцтэйгээр эхэллээ. Чуулганы хуралдааны эхэнд УИХ-ын дарга Г.Занданшатар хэлэлцэх асуудлын жагсаалтыг танилцуулав. Үүний дараа хэлэлцэх асуудалтай холбоотойгоор УИХ-ын гишүүн Т.Аюурсайхан санал хэллээ.

Тэрээр "Өнөөдрийн хэлэлцэх асуудлын 4 дүгээрт Монгол Улсын Эрдэнэсийн сангийн 2018 оны төсвийн гүйцэтгэл, Монгол Улсын Эрдэнэсийн сангийн үндсэн сангийн орлого, үндсэн болон гүйлгээ сангийн зарлагын 2019 оны төсвийн тухай Улсын Их Хурлын тогтоолын төслийг хаалттай горимоор хэлэлцэхээр оруулж ирсэн байгаа. Тэгэхээр энэ асуудлыг холбогдох хууль тогтоомжид нь өөрчлөлт оруулаад төрийн нууцаас гаргахгүй бол маш нууцын зэрэглэлтэйгээр цаашдаа хаалттай хэлэлцэхийг буруу гэж бодож байна. 

УИХ-ын дарга ч надтай санал нэгдэх байх. Үндсэндээ нууц байдгийн зорилго нь нууж байгаад хадгалж, хамгаалах үзэл баримтлалтай. Гэвч одоо нууж байгаад хулгайлдаг болсон. Эрдэнэсийн сангийн өнөөдрийн хэлэлцэх асуудалд нуугаад байх зүйл байхгүй. Сүр бадруулж, далимдуулж цаана нь олон асуудлыг нуудаг, ихэнх нь гэмт хэргийн зөрчилтэй, Эрдэнэсийн санг хохироосон байгаа. Ер нь бол Монгол Улсын Эрдэнэсийн сан байхгүй шахуу болсон. Үүнийг олон хүн мэдэж байгаа. Нууц гэдэг нэрээр материалыг нь дэлгэж болдоггүй.

Монгол Улсын Ерөнхийлөгч асан Ц.Элбэгдорж гуай хүртэл Эрдэнэсийн сангийн Захирал бэртэйгээ нийлээд тус санг хохироосныг би Ажлын хэсгийн дүгнэлттэйгээр тогтоогоод гаргаад ирсэн. Энд хохирлын хэмжээ нь ч тодрхой байгаа. Гэтэл улсын нууц гээд материалыг нь дэлгэж болохгүй байна. Шинээр сонгогдсон Улсын Ерөнхий прокурор Б.Жаргалсайхан үүнийг сонсож байгаа бол анхааралдаа авах хэрэгтэй. Цаашдаа нэг бүрчлэн хөөж, хянаж, хариуцлагыг нь ногдуулах шаардлагатай. Нууж байгаад хамгаалах, хадгалах биш нууж байгаад хулгайлдаг, алдагдаад буй учраас энэ асуудлыг улсын нууцаас гаргаж, олон нийтийн хяналтад оруулах хэрэгтэй. Олон нийтийн хяналт бол хамгийн сайн хамгаалалт мөн. 

Шалгалт хийсэн Ажлын хэсгийн дүгнэлтээ би өнөөдөр Улсын ерөнхий прокурорт хүргүүлж байгаа. Энд маш олон зөрчил байна. Зөрчил гаргасан Г.Золжаргалыг баривчлаад хэдхэн цагийн дотор суллачихдаг. Төрийн дээр гарчихсан хүчтэй байна. Мөнгө хэвлэдэг газар болохоор ийм байдаг юм уу. Энэ асуудалд анхаарч, Эрдэнэсийн санг ил болгож, зөрчлийг нь хараа, хяналтад оруулах шаардлагатай. Хуучин мөнгийг өөрсдөө аваад дараа нь буцаагаад өндөр өртгөөр шахдаг зэрэг энэ олон асуудал удаан үргэлжилж болохгүй. Тиймээс төрийн нууцаас гаргах онцгой ач холбогдол байна" хэмээлээ.

Холбоотой сэдвүүд

т.аюурсайхан ц.элбэгдорж чуулган эрдэнэсийн сан

Share

Сэтгэгдэл бичих (62)

Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.

Санал болгох

1 Х.Үүрийнтуяа: “Ирээдүйгээ өөрчлөхөд минь та хамт байх хэрэгтэй байна” гэсэн захианаас үргэлжлүүлж багшлах урам зориг авсан

2 Тогтвортой байдлын төлөөх үйл хэргийн боловсролыг хэлэлцэж байна

3 Люксембургийн хөрөнгийн биржид Голомт банк ХК-ийн анхны ногоон, нийгмийн бонд бүртгэгдлээ

4 Peak.mn сайт хүний эрхийн мэдрэмжтэй редакциудын нэгээр тодорлоо

5 О.Хулан: Хүчирхийллийн хажуугаар чимээгүй өнгөрдөггүй, нэгэндээ тусалдаг байгаарай

Холбоотой мэдээ

    Үндсэн категори

    Бусад

    Үйлчилгээ

    Холбоо барих

    Мэдээ

    77191977

    Редакц

    99126085

    Имэйл

    contact@peak.mn

    Холбоо барих

    Улаанбаатар хот, Сүхбаатар дүүрэг, Бага тойруу, 24-р байр

    © 2017-2024 Пийк Медиа Групп ХХК. Бүх эрх хуулиар хамгаалагдсан.