Допинг хэрэглэсэн 5 бөхийн эрхийг 2020 оны 2 дугаар сарын 1-н хүртэл хоёр жилийн хугацаанд түдгэлзүүлээд байсан ч Үндэсний бөхийн холбоо өнгөрсөн долоо хоногт тэдгээр бөхийн барилдах эрхийг хугацаанаас нь өмнө сэргээсэн юм. Тодруулбал, Улсын гарьд Ө.Бат-Орших, Улсын заан Б.Пүрэвсайхан, Улсын начин Э.Даш, Аймгийн хурц арслан Б.Номиндалай, Сумын заан С.Майнбаяр нарын барилдах эрхийг сэргээсэн. /Энэ талаарх дэлгэрэнгүй мэдээллийг энд дарж уншина уу/

Гэвч өнгөрсөн ням гарагт болсон Наадмын сорилго барилдаанд тэднийг барилдуулахыг бусад бөх нь эсэргүүцэж, барилдуулаагүй билээ.

Энэ талаар МҮБХ-ны дэд тэргүүн, Улсын заан Ц.Магалжав өнөөдөр мэдээлэл хийлээ.

Тэрээр "Дээрх 5 бөх албан ёсны шинжилгээнд бид хамрагдсан хэмээy уучлал хүсээд Дархан аварга Б.Бат-Эрдэнэд өргөдөл гаргасан. Тус өргөдөлдөө бид Монгол бөхийнхөө жаяг, жудгийг баримтлаад явъя. Шийтгэлийг багасгаж өгөөч гэдэг хүсэлт гаргасан. 

Үндэсний бөхийн холбоо 2018 оны 3 дугаар сарын 24-нд хуралдаж, бүх шийдвэрийг холбооны дарга гаргадаг байсан тогтолцоог өөрчилсөн. Улмаар 15 тэргүүлэгчийнхээ олонхын шийдвэрээр тогтоол гаргадаг болсон. Энэ дагуу дээрх бөхчүүдийн эрхийг сэргээх тогтоолыг гаргасан. 15 тэргүүлэгчийн олонх буюу 8 нь бөхчүүдийн эрхийг сэргээхийг дэмжиж, уучлал үзүүлээд бөхийн барилдаанд барилдуулъя гэсэн. 7 нь татгалзсан. Миний бие татгалзсан санал өгсөн. Гэхдээ бид олонхын саналаар асуудлыг шийдвэрлэсэн" хэмээлээ.

Ц.Магалжавын мэдээллийг дүрс бичлэгээр бүрэн эхээр нь хүргэж байна.