Азийн моделийн холбооны Хятад дахь салбар, Торгоны замын загварын долоо хоногийн холбоо хамтран Азийн хүүхдийн загварын хамгийн том тэмцээн болох “Asian Children Film & Television Model" тэмцээн БНХАУ-ын Шиань хотод 2023 оны долдугаар сарын 29-нөөс 31-ний хооронд зохион байгуулагдава. Тус тэмцээнд олон улсын 30 гаруй агентлагийн 300 хүүхэд нас, насны ангилалд өрсөлджээ. 

Тэмцээний эхний өдөр Шиань хотын урлагийн музейд дэлхийн алдарт зураач “Pablo Picasso”-гийн ледээр гэрэлтүүлсэн зургийн үзэсгэлэнд хүүхдийн загварын шоу эхэлсэн нь хүүхдийн загварын шоу ямар өндөр түвшинд зохиогддог болсныг харж болохоор байна. Өнгөрсөн долдугаар сарын 29-нд Хүүхдийн урлагийн мэдлэгийг дээшлүүлэх зорилгоор олон улсын кино урлагийн музейгээр аялж, долдугаар сарын 31-нд Шиань олон улсын их сургуулийн 5000 хүний багтаамжтай урлагийн танхимд тэмцээний финал болж өндөрлөжээ. 

Тус тэмцээнд Монгол Улсаас 4-14 насны нийт 12 хүүхдүүд амжилттай оролцож, багийн төрөлд “Алтан шагналын эзэд” болж, эх орныхоо нэрийг өндөрт гаргалаа. Тодруулбал, 

• 4 настай Б.Наранбаяр “Балчир насны модель” 3-р байр, 
• 5 настай Э.Анхилуун “Фото Модель” 3-р байр 
• 6 настай Э.Амингоо “Television Model” Дэд байр 
• 7 настай Ж. Мөнхжин “Алтан цом” 
• 8 настай Б.Номин-Эрдэнэ “Мөнгөн цом” 
• 9 настай М.Анунгоо “Шилдэг Имиж бүрдүүлэлт” 3-р байр
• 9 настай Т.Ариунзул “Шилдэг хувцаслалт” Дэд байр 
• 9 настай Ч.Мөнхнаран “Тelevision Model” 3-р байр 
• 10 настай Б.Мишээл “Мөнгөн цом” 
• 13 настай А.Үржин “Хүрэл цом” 
• 13 настай Х.Номин-Эрдэнэ “ Өсвөр насны Шилдэг Моделийн Дэд байр” 
• 14 настай М.Эрхсаран “Шилдэг хувцаслалт” 3-р байранд тус тус орж, багийн төрөлд хамгийн том шагнал болох “Алтан шагналын” эзэд болсон юм. 

Түүнчлэн тэмцээнийг зохион байгуулагчдын зүгээс "Аsian Idol Academy Mongolia" байгууллагыг тус тэмцээний “Шилдэг байгууллага”-аар тодруулав. Тус академи олон улсын 22 дахь хүүхдийн загварын боловсролын сургалтын төв юм. 

Мөн 5-15 насны хүүхдүүдэд зөв алхалт, зөв суулт, загварын алхаа, хувь хүний хөгжил, бие авч явах соёл, карьер төлөвлөлт, телевизийн техникийн яриа, эрүүл хооллолт, өсвөр насны арьс арчилгаа, К-поп бүжиг, солонгос, англи хэлний сургалтууд явуулдаг. Улмаар олон улсын зөвлөх, туршлагатай багш нар суралцагчдыг урлагийн оргилд хүрэхэд нь дадлагажуулан чиглүүлж ажилладаг байна.