Нийслэлийн Сүхбаатар дүүргийн 11 дүгээр хороо Улсын иргэний бүртгэлийн ерөнхий газрын архивын зориулалтаар  баригдаж буй барилгын хана нурж 51 настай иргэн амь насаа алдсан харамсалтай хэрэг гарчээ.

Уг хана 5х12 метрийн хэмжээтэй, 60см зузаантай байсан аж.

Дуудлагыг өчигдөр өглөө 09:05 цагт хүлээн авч Нийслэлийн Онцгой байдлын газрын Аврах ангийн алба хаагчид 7 км зам туулан 14 минутын очсон гэв. 

Дуудлагаар очиход  хоёр иргэн дарагдсаны нэг нь амь насаа алдаж, 27 настай залуугийн 2 хөл нь дарагдсан байсныг эсэн мэд гаргаж НТТТ-д хүргэн өгсөн гэж ОБЕГ мэдээллээ.

Уг хэргийг тус дүүргийн Цагдаагийн 2 дугаар хэсгийн бүрэлдэхүүнд шилжүүлэн өгсөн байна.