Боловсролын яамны ажлын хэсэг Баян-Өлгий аймгийн боловсролын газар, 56 цэцэрлэг, 31 сургууль, мэргэжлийн боловсролын сургууль, насан туршийн суралцахуйн төв, МУБИС-ийн салбар сургууль зэрэг нийт 91 байгууллагад хүрч ажиллажээ. Ингэхдээ, Баян-Өлгий аймгийн багш нараас Монгол хэлний сорил авсан байна. 

Сорилын үр дүнд, гүйцэтгэлийн дундаж 36.3% бөгөөд оролцогчдын 57% нь 40%-иас доош, зөвхөн 2.4% нь 80%-иас дээш гүйцэтгэлтэй байна. 

Бага ангийн багш нарын 70%, МБ-ын ажилтнуудын 61% нь 40%-иас доош гүйцэтгэлтэй байгаа нь хамгийн анхаарал татах үр дүн  байна.

Харин Монгол хэл, бичиг, уран зохиолын багш нар, сургалтын байгууллагын удирдлагуудын 31–35% нь 60–79%-ийн гүйцэтгэлд хүрсэн байна.

Бичгийн соёл, хэрэглээ хамгийн өндөр (77.4%), харин Монгол бичгээр унших (26.1%), санаагаа товч илэрхийлэх (29.5%), эшлэл баримт сонгон хэрэглэх (32.2%) чадварууд хамгийн сул байна.

Бага ангийн багш нарын 19.4 хувь нь эсээ бичих чадвар сул огт бичиж чадахгүй байна.