Банхүү санхүү, хөрөнгийн зах зээл гээд олон салбарт хүч үзэж яваа Ч.Ганхуяг өдгөө Ард санхүүгийн нэгдлийг тэргүүлдэг. Гэсэн хэдий ч түүнийг "Хас"-ын хэмээн одоо ч овоглодог билээ. Тэгвэл тэрбээр тун удахгүй даатгалын зах зээлд анхны IPO хийхээр зэхэж байна. Тэгвэл уг асуудал дээр талхны үнийг ч мэдэхгүй байж хөрөнгийн зах зээлд хүч үзэх гэлээ гэх мэтээр элдвээр хэлэх болсон.Тэрбээр энэхүү асуудал дээр өөрийн байр сууриа өөрийн фэйсбүүк хуудсаар дамжуулан илэрхийлсэн байна. Мэдэгдэлд "Намайг Сангийн Дэд Сайд байхад өрсөлдөгчийн маань ПиАрын нөхөр орж ирээд талхны үнэ асуухад би бүдэрсэн. Тэгээд сэвж өгсөн. Би тоосоо гөвүүлсэн. Гэхдээ би одоо ч талхны үнийг мэдэхгүй. би 1991 оноос эхэлж энэ улсад ажилласаар ирсэн. Алдсан, оносон нь бүгд байгаа. Нэг зүйл дээр харин бардам байдаг - надтай нийлж бизнес хийсэн, хамтран хөрөнгө оруулалт хийсэн хүмүүсийг би алдагдалд оруулж, хохироож байгаагүй ээ. Түүнд итгэж болно. Надад итгэж хөрөнгө оруулсан хүмүүсийг бүр хагартал нь баяжуулчихгүй юмаа гэхэд алдагдалд оруулж байсангүй. Ардын хувьцаа 30,000 хувь өссөн нь үүний баталгаа болох болов уу?" хэмээн бичсэн байна.
Тогтвортой хөгжлийг дэмжигч
