Хөлбөмбөгийн Дэлхийн аваргын цом 2018 оны дөрөвдүгээр сарын 23-ны өдөр Улаанбаатар хотноо айлчлах гэж байна.

Кока-Кола Компани нь Олон Улсын Хөлбөмбөгийн Холбооны албан ёсны түнш бөгөөд хамтын ажиллагааныхаа хүрээнд 2006 оноос эхлэн Дэлхийн Аваргын Цомыг аялуулдаг уламжлалтай болсон. Энэхүү аяллын хүрээнд цом Монгол Улсад айлчлан ирж байгаа юм.

Ирэх пүрэв гарагт буюу дөрөвдүгээр сарын 23-нд Монголын Хөлбөмбөгийн Холбооны ногоон талбайд Монгол Улсын Ерөнхийлөгч цомыг хүндэтгэлтэйгээр угтан авч, үндэсний шигшээ багийнхантай хамт дурсгалын зураг авахуулна.

Мөн өдөр үзэгч олонд нээлттэйгээр Монголын Хөлбөмбөгийн Холбооны "Супер цомын тоглолт" болон "Оддын Хөлбөмбөг" тэмцээнүүдийг тус тус зохион байгуулах гэж байна. Хүндэтгэлийн арга хэмжээний дараа цом Шангри-Ла Моллд олон нийтэд нээлттэйгээр байрлах юм.

Share