Эх хүүхдийн эрүүл мэндийн үндэсний төв /ЭХЭМҮТ/-ийн гадна орчныг иж бүрэн тохижуулж, онгоцны зогсоол, машины талбай, ногоон цэцэрлэг зэргийг байгуулжээ.

Энэ талаар УИХ-ын гишүүн, Эрүүл мэндийн сайд Д.Сарангэрэл "Эх хүүхдийн эрүүл мэндийн үндэсний төвийн гадна орчин иж бүрэн тохижилттой боллоо. Онгоцны зогсоол, машины талбай, ногоон цэцэрлэг, суух сандал гээд иргэдэд ээлтэй болгон энд байна. Нийслэлийн Засаг дарга болон Захирагчийн албанд баярлалаа. Азийн хөгжлийн банктай хамтран 2 онгоцны асуудал шийдвэрлэхээр ажиллаж байна.

Мөн нэмэлт мэдээлэл өгөхөд АХБ-тай хамтран яаралтай тусламж буюу бидний ярьж заншсанаар түргэн тусламжийг зөвхөн төвд бус дүүрэг бүрт байгуулж богино хугацаанд дуудлагаар очих боломжийг бүрдүүлэхээр төлөвлөж байна. Дуудлагын эмч нарыг тусгайлан бэлтгэж түргэн тусламж ердийн болон эрчимт гэсэн 2 ангиллаар иж бүрэн тоноглогдсон машинаар үйлчлэхээс гадна зохицуулах төвтэй шууд холбогдон зөвлөлдөж эмчилгээ хийх юм.

Өөрөөр хэлбэл, дэлхийн түвшинд хүрсэн яаралтай тусламжийг бий болгох ажил амжилттай эхэлж байна" хэмээн өөрийн цахим хуудаснаа нийтлэжээ.