Өчигдөр орсон борооны улмаас хэд хэдэн газар зам хаагдаад байгааг АТҮТ-өөс мэдээллээ.

Тухайлбал Улаанбаатар-Мандалговь чиглэлийн авто замын 107 км 800м, 116-123 км-ийн хооронд хэсэгчилэн зорчих хэсэг дээгүүр   үерийн ус давж тээврийн хэрэгсэл зорчиход хүндрэл үүссэн байна.

Төв аймгийн Баянхангай сумаас Лүн сум хүртэлх 110-113 дахь км-т үер усны улмаас засмал зам цөмөрч автомашин явах боломжгүй болжээ.

Хатгал тосгон чиглэлд Өлхөн, Бэрхмэшийн сайр үерлэсэн байгаа аж.

Мөн Улаанбаатар-Арвайхээр чиглэлийн авто замын 100км,117км-т зорчих хэсэг дээгүүр   үерийн ус давж, далан усанд идэгдэн тээврийн хэрэгсэл зорчиход хүндрэл үүсжээ. Иймээс эдгээр чиглэлд хөдөлгөөнийг түр хязгаарлаж тус чиглэлийн замд зорчихгүй байхыг анхаарууллаа.