Коронавирусийн халдварын нөхцөл байдлын талаар Эрүүл мэндийн яамнаас өнөөдөр /2021.03.16/ мэдээлэл өглөө.

Энэ үеэр ХӨСҮТ-ийн Халдварт өвчний тандалт, судалгааны албаны дарга Ж.Байгалмаа "Сүүлийн 24 цагт нийт 11.183 хүнд шинжилгээ хийхэд 127 хүнээс коронавирус илэрлээ. Тэдний 126 нь Улаанбаатарт бүртгэгдсэн бол нэг нь Улаанбаатараас Архангай аймагт очсон иргэн байна. Шинээр бүртгэгдсэн 127 тохиолдлын 123 нь өмнөх батлагдсан тохиолдлуудын ойрын хавьтал бол 4 хүний халдварын эх уурхай тодорхойгүй, тодорхойлох тандалт үргэлжилж байна.

Сүүлийн 24 цагт 52 хүн эдгэрч, эмнэлгээс гарсан.

Улмаар орон нутагт нийт 349, Улаанбаатар хотод нийт 3.329 тохиолдол, кластер өвчлөлийн голомтод 3.678, улсын хэмжээнд зөөвөрлөгдсөн болон дотоодын халдвар нийт 4.210 тохиолдол боллоо. Тэдний 73 хувь буюу 3.083 нь эдгэрсэн байна. Одоо нийт 1.014 хүн эмчлүүлж буйгаас биеийн байдал нь маш хүнд 3, хүнд 5, хүндэвтэр 89, хөнгөн 917 хүн байна" хэмээлээ.


Халдварын эх уурхай нь тодорхойгүй байгаа 5 хүний байршил:

Баянзүрх дүүргийн 26, 27 дугаар хороо
Баянгол дүүргийн 11 дугаар хороо

Share