Боловсролын салбарын цахим шилжилттэй холбоотой асуудлаар Боловсрол, шинжлэх ухааны яамнаас өнөөдөр мэдээлэл хийлээ.

Мэдээллийн үеэр сурагчдын амралтын талаар тус яамны дэд сайд Г.Ганбаяр "Хичээл, сургалтын үйл ажиллагаа жигдэрсэн, хэвийн явагдаж байна. 9 дүгээр сарыг бүхэлд өнгөрсөн хичээлийн жилийн сүүлийн хоёр улирлын хичээлийг нөхөх сар болгосон. 10 дугаар сарын 01-нээс 2019-2020 оны хичээлийн жилийн хичээл эхэлсэн. 

Нэгдүгээр улирлын хичээл 12 дугаар сарын 24-нд амарна. Хоёрдугаар улирлын хичээл 2 дугаар сарын 01-нд ороод 3 дугаар сарын 29-нд амарна. Бага анги 5 дугаар сарын сүүлээр, дунд, ахлах анги 6 дугаар сарын 08-нд амарна. 

Улмаар энэ хичээлийн жил гурван улирлаар явагдана. Өвлийн хүйтэнд ханиад томуугаас сэргийлэх зорилгоор энэ жилээс эхлэн гурван улирлаар хичээл, сургалтын үйл ажиллагааг явуулахаар болсон" хэмээлээ.