НӨАТ-ын буцаан олголттой холбоотойгоор зарим иргэдийн авах мөнгөн дүн багассан мөн өндөр үнийн дүнтэй буцаан олголтыг шалгаж байна гэсэн мэдээлэл гарсан. Уг мэдээлэлд Татварын ерөнхий газраас хариулт өгч байна.

Одоогоор 1 тэрбум 146  сая төгрөгийн буцаан олголт хянагдаж иргэдэд өгөхөд бэлэн болсон. Харин 2,1 тэрбум төгрөгийн үнийн дүнтэй баримтыг бүртгүүлсэн 996 иргэнтэй холбогдож, шалгаж байна гэлээ. Эдгээр иргэдийн зарим нь нэг өдрийн дотор хэт өндөр баримт бүртгүүлсэн нь шалгах үндэслэл болжээ. Тухайлбал 346 сая төгрөгийн нийт 8392 ширхэг баримт, 76 сая төгрөгийн үнийн дүн бүхий 16 ширхэг баримтыг нэг өдрийн дотор бүртгүүлсэн тохиолдол гарчээ. Иймээс эдгээр эрсдэлтэй тохиолдлуудыг шалгаж хэрвээ зөрчилгүй нь илэрвэл буцаан олголтыг өгөх юм байна.Харин хуульд заасан шаардлага хангахгүй бол буцаан олгохгүй цуцлагдана гэдгийг албаны хүмүүс хэллээ.

Хэрэв иргэн таны буцаан олголтын мэдээлэл "Хянагдаж байна" төлөвтэй байвал орон нутгийн иргэд харьяа Татварын албандаа, нийслэлийн иргэд Татварын ерөнхий газарт хандан эрсдэлд тооцож байгаа шалтгааныг тодруулж, асуудлаа шийдүүлснээр буцаан олголтоо бүрэн авах боломжтой аж.

2019 онд сугалаанд хамрагдаж, азтан болсон иргэдэд 17.6 тэрбум төгрөгийг олгосон байна.

Гааль, татвар, санхүүгийн мэдээллийн технологийн төвийн захирал Т.Батбилэг: "И-баримт аппликейшнээр зөвхөн баримтаа бүртгүүлэхээс гадна төрийн үйлчилгээний төлбөр, авто машины татварыг төлдөг болсон. Цаашдаа системийг байнга хөгжүүлж, аюулгүй байдлыг сайжруулан ажиллаж байна.