Урьдчилсан тооцооллоор 2019 оны НӨАТ-ын буцаан олголтоор 900 мянга орчим иргэнд 139 тэрбум төгрөгийн урамшуулал олгохоор болжээ. Буцаан олголтыг энэ оны хоёрдугаар сард багтаан олгох гэнэ.

Энэ жилээс эхлэн НӨАТ-ын буцаан олголтыг улирал бүр олгохоор болж, тухайн улирал дууссанаас хойш 45 хоногийн дотор буцаан олголтын урамшуулал иргэдийн дансанд шилжих аж.

Энэ сарын 25-нд санхүүжилтийн саналыг Сангийн яаманд хүргүүлж, ирэх сарын 31-ний дотор шийдвэрлэснээр өнгөрсөн оны урамшууллыг олгох юм.