Засгийн газрын шийдвэрээр маргааш буюу 04 дүгээр сарын 03-18-ны өдрүүдэд зарим салбарын үйл ажиллагааг хязгаарлана.
Дээрх хугацаанд дараах 10 чиглэлийн байгууллага огт ажиллахгүй.
- Ресторан,
- лоунж,
- саун,
- бассейн,
- алжаал тайлах төв,
- кино театр,
- үзвэр үйлчилгээ,
- бялдаржуулах төв,
- амралт сувилал,
- сургалтын төв ажиллахгүй.
Бүрэн зогсоохгүй ч тодорхой хязгаарлалт орсон үйл ажиллагаанууд:
- Хоол үйлдвэрлэл, зоогийн газрууд хүргэлтээр үйлчилнэ.
- Үсчин, гоо сайхны газрууд амралтын өдрүүдэд ажиллахгүй, бусад өдөр халдвар хамгааллын дэглэм сахиж ажиллана.
- Худалдаа, үйлчилгээний газрууд хүн хоорондын зай бариулах, ариутгал, халдваргүйжүүлэлтээ дээд зэргээр хийх, нийт талбайнхаа 30 хувиас хэтрэхгүй байхаар тооцон үйлчилнэ. /Супермаркетууд түрдэг тэрэгний тоогоор зохицуулалт хийх/,
- Нарантуул, Хархорин, Барс, Хүчит шонхор, Нарантуул-2 зэрэг томоохон зах 30 хувиар ажиллана. Амралтын өдрүүдэд ажиллахгүй. Дэлгүүр, худалдааны төвүүд 20:00 цагт хаана.
- Аймаг, орон нутаг руу зорчих иргэдийн хөдөлгөөнийг хүндэтгэх шалтгаанаас бусад тохиолдолд хориглоно.
- Орон нутаг руу хүнс, ачаа тээвэр, малын өвс тэжээл, шатахуун тээврээс бусад тохиолдолд автомашины хөдөлгөөнийг хязгаарлана.
Эх сурвалж: УОК-ын Шуурхай штаб