УИХ-ын чуулганы нэгдсэн хуралдааан үргжилж байна. Тус хуралдаанаар Монгол Улсын 2020 оны төсвийн тухай болон Нийгмийн даатгалын сангийн 2020 оны төсвийн тухай хуульд хэсэгчлэн, хамт батлагдсан Ирээдүй өв сангийн тухай хуулийг дагаж мөрдөх журмын тухай хуульд бүхэлд нь хориг тавьсан Монгол Улсын Ерөнхийлөгчийн хоригийг хэлэлцэж эхэллээ.

Ерөнхийлөгчийн хоригийг Ерөнхийлөгчийн Тамгын газрын дарга З.Энхболд уншиж танилцуулж байна. Хоригийг ЭНД дарж уншина уу.

МАН-ын бүлэг өнгөрсөн даваа гарагт Ерөнхийлөгчийн тус хоригийг хэлэлцэж, 

Нэгдүгээрт, 2020 онд объект юмуу төсөл арга хэмжээ нь эхлээд 2021, 2022 онд дамжин хэрэгжиж буй объектуудыг улсын төсвөөс хасах санал ирүүлсэн. Бүлэг хэлэлцээд 2020 оны улсын төсөвт тавьсан Ерөнхийлөгчийн хоригийг хүлээн авах боломжгүй гэж үзсэн. 

Хоёрдугаарт, Төсвийн тухай хуулийг дагалдаж гарсан Ирээдүй өв сангийн тухай хуульд нэмэлт, өөрчлөлт оруулсан хуулийн төсөлд бүхэлд нь хориг тавьсан. Энэ хоригийг намын бүлэг хэлэлцээд мөн хүлээн авах боломжгүй гэж үзлээ.

Гуравдугаарт, Нийгмийн даатгалын сангийн 2020 оны төсвийн тухай хуульд нийгмийн даатгалын сангийн шимтгэлийн хэмжээ өсөж буйтай холбоотойгоор Ерөнхийлөгч хориг тавьсан. Энэ хоригийг хүлээж авах нь зүйтэй гэж МАН-ын бүлгийн олонх нь үзсэн" хэмээн МАН-ын бүлгийн дарга Д.Тогтохсүрэн мэдээлсэн юм.