Шинэ коронавирустэй холбоотой асуудлаар Улсын онцгой комисс өнөөдөр хуралдаж, замуудын хөдөлгөөнийг нээхээр шийдвэрлэлээ.

Энэ талаар талаар Засгийн газрын Хэвлэл мэдээллийн албаны дарга Ц.Ганзориг "Шинэ коронавирусээс урьдчилан сэргийлэх арга хэмжээний хүрээнд Улсын онцгой комисс хуралдаж, хэд хэдэн шийдвэр гаргалаа. Улмаар түр хаагаад байсан улс, хот хоорондын хөдөлгөөнийг гуравдугаар сарын 03-ны өглөөний 06.00 цагаас нээхээр боллоо. 

Замуудыг нээснээр урьдчилан сэргийлэлтээ сулруулна гэсэн үг биш. Хяналт шалгалтыг нэмэгдүүлнэ. Иргэд олон нийт шаардлагагүй бол аль болох улс, орон нутаг руу зорчихгүй байх, мэргэжлийн байгууллагуудын тавьж буй шаардлагыг хэрэгжүүлэх, эрүүл мэндийн хуудсыг бөглөж, шинжилгээнд хамрагдах хэрэгтэй" хэмээлээ.