НЬЮ-ЙОРК. /CBS/. Техас муж улс болон Мексикийн хилд нэг эмэгтэй, гурван хүүхдийн цогцос олдсон тухай АНУ-ын Хилийн алба мэдэгдсэн байна.

Цогцсууд АНУ-ын өмнөд хилд баригдах хананы ойролцоох Рио-Гранде голоос холгүй олджээ. Албаны хүмүүсийн үзэж байгаагаар, эдгээр 4 хүн халуунд шингэн дутагдсаны улмаас амиа алдсан байж магадгүй аж. 

Хууль бус цагаачдын 40 орчим хувь нь Рио-Гранде голыг гаталдаг байна. Сануулан дурдахад, Мексиктэй залгаа хилийн дагуу хана барих ажлыг АНУ 2018 онд эхлүүлсэн юм. Калифорни муж улсын Холбооны шүүх өнгөрсөн 5 дугаар сард хана барих ажлыг түр хугацаанд хориглосон байна.

Эх сурвалж: Монцамэ агентлаг