Шинэ коронавирус халдвартай холбоотой асуудлаар ХӨСҮТ-ийн Ерөнхий захирал Д.Нямхүү өнөөдөр мэдээлэл өглөө.

Тэрээр "Зургаадугаар сарын 18-нд нийт 339 хүнд шинжилгээ хийсэн. 336 хүнээс нь коронавирус илрээгүй, 3 хүнээс коронавирус илэрлээ.

Тэд Алтанбулаг боомтоор орж ирсэн ачаа тээврийн жолооч нар бөгөөд нэг нь 59 настай ОХУ-ын иргэн, нэг нь 37 настай Беларусь улсын иргэн, нөгөө нь 32 настай монгол иргэн. Тэднийг ХӨСҮТ-д эмчилгээнд оруулах ажлыг өнөө өглөө эхлүүлсэн. 

Өнөөдөр 5 хүн эдгэрч, ХӨСҮТ-өөс дараагийн шатны сувилалд шилжлээ. 

Монгол Улсад коронавирусийн нийт 204 батлагдсан тохиолдол бүртгэгдсэнээс 132 хүн эдгэрлээ. Одоо 72 хүн эмчилгээнд байна. Тэдний 67-гийнх нь биеийн байдал хөнгөн, 5 хүн нь хүндэвтэр байна.