Монголын анхны тусгай боловсролын сургууль болох 25 дугаар сургуульд “Оюу толгой” ХХК сурагчдын аюулгүй байдлыг бүрэн хангасан цахилгаан шат, тайвшруулагчтай хонх, зориулалтын бариул суурилуулжээ. 

Мөн алхаж сурахад дэмжлэг үзүүлэх хэрэгсэл, сургалтын хэрэглэгдэхүүн зэрэг хөгжлийн бэрхшээлтэй хүүхдэд зориулсан тусгай эд хэрэгслийг хүлээлгэн өглөө. 

Оюу толгой компани, 25 дугаар сургууль, "Гэрэл гаргагч" ТББ-ын залуустай хамтран хэрэгжүүлсэн тохижилтын ажлыг танилцуулж, хүлээлгэн өгөх арга хэмжээнд Монгол Улсын Ерөнхийлөгчийн хүний хөгжил, нийгмийн бодлогын зөвлөх Д.Үүрийнтуяа, БСШУСЯ-ны Сургуулийн өмнөх боловсролын бодлогын газрын дарга Г.Дуламжав нар оролцов.

Тусгай боловсрол шаардлагатай хүүхдүүдэд сурч боловсрох таатай орчин нөхцөл бүрдүүлсэн энэхүү төслийн нийт өртөг нь 140 гаруй сая төгрөг болжээ.