Стэнфордын Их Сургуулийн эрдэмтэд хосын харилцаанаас үүдсэн сэтгэлийн шарх яагаад хүний биед өвдөлт, шаналал үүсгэдгийг судалжээ. Энэ нь аз жаргалын гормон гэгддэг допамин даавартай холбоотой аж. 

Хайр дурлалын харилцаа бүтэмжтэй байх үед хосуудын тархинд допамин ихээр ялгардаг байна. Гэвч допамины үйлчлэл өндөр байх хэрээр дурлал бүтэлгүйтэхэд мэдрэгдэх өвдөлт ихэсдэг гэнэ. Үүнийг тархи судлалын шинжлэх ухаанд шархалсан зүрхний синдром буюу такацубо гэж нэрлэдэг.

Нэгдүгээрт, такацубо синдромоор өвчилсөн хүний тархины сэтгэл хөдлөл болоод зан төлөв хариуцсан хэсгийн хариу үйлдэл үзүүлэх хурд илт удааширдаг байна. Тиймээс бие махбод хүчтэй стресст өртсөн эсвэл өвдөж шаналсан үед түүнийг намдаах хариу үйлдэл үзүүлэх чадвараа тодорхой хэмжээнд алддаг байх нь. 


Хоёрдугаарт, судлаачид шархалсан зүрхний синдромтой хүний зүрхний хэмжээ өөрчлөгдөж, үл ялиг уртасдаг гэж дүгнэжээ. Такацуботой өвчтөнүүд судасны нарийсалгүй ч зүрхний шигдээс өгч байгаа мэт шинж тэмдэг илэрдэг нь үүнтэй холбоотой аж.  


Судалгаанд оролцогчид сэтгэлийн шархаа бие махбодын өвдөлттэй харьцуулбал өмчин намдаах эм уухгүйгээр хүүхэд төрүүлэхтэй адил хэмээн үнэлжээ.

Сэтгэлийн шархтай үлдсэн хүн хайрттайгаа хамт авхуулсан зургаа харах, сошиал хуудсыг нь дагах зэргээр шархаа хөндсөн үйлдэл хийх тусам уг синдромын шинж тэмдгүүд хүндэрч, эдгэх процессыг удаашруулдаг гэнэ.

Тиймээс эрдэмтэд хэн нэгнийг чин сэтгэлээсээ хайрлаад бүтээгүй тохиолдолд сэтгэлийн шархтай хоцрох, цаашлаад Такацубо синдромоор өвчлөх магадлал өндөр гэдгийг анхааруулжээ.


Эх сурвалж: BBC