"Oogii" брэндийг үүсгэн байгуулагч О.Оюунцэцэгийг Монголчууд  сайн мэднэ. Тэрбээр Австрали улсад өөрийн брэндээ гарган шургуу ажиллаж сүүлд Germani Jewellery, Hilton Hotel -той хамтран коллекц гаргасан юм. Мөн анх удаа тансаг зэрэглэлийн цүнх хийх захиалга аваад байгаа аж.

Ийнхүү амжилттай яваа түүнийг монгол бүсгүй матаж бизнест нь төвөг учруулсан сурагтай.

Өчигдөр "Oogii" брэндийг үүсгэн байгуулагч О.Оюунцэцэг твитер хуудастаа "Гэй, Бэй ямар байх нь та бүхний хэрэг. Монголд харин ч нэг  их гадуурхаад байдаггүй. Та бүхний сексийн хүсэл тачаал, хаалганы цаадах амьдрал хэнд хамаатай юм. Хувийн амьдралаа хувьдаа үлдээнэ үү. Үзсэн ядсан зүйл байхгүй, сурталчлаад байх зүйл гэж бодохгүй байна" хэмээн бичсэн аж.

Үүнд эгдүүцсэн "Жорлонгоо өөрчилье" багийн гишүүн Э.Ангарагтуяа О.Оюунцэцэгийг бэлгийн цөөнхийн эрхэд халдсан агуулгаар жиргэсэн мэтээр түүний гадаад харилцагч руу мэйл илгээжээ. Мөн тэрээр "Имэйл бичдэг ямар завтай юм гэнэ. Өчигдөр утсан дээрээсээ 5 минут зарцуулаад л явуулчихсан шүү дээ. Хаа хаанаа буруу зүйлийг үл тэвчин, үзэл бодлоо илэрхийлж байх хэрэгтэй бна. Би матаасчин хочтой болж байна. Гэхдээ матаагүйгээс болж өөр хэчнээн хүний эрх зөрчихийг таашгүй шүү дээ" хэмээн бичсэн байна.

Имэйл бичдэг ямар завтай юм гэнэ. Өчигдөр утсан дээрээсээ 5мин зарцуулаад л явуулчихсан шүү дээ хэхэ. Хаа хаанаа буруу зүйлийг үл тэвчин, үзэл бодлоо илэрхийлж байх хэрэгтэй бна. Би матаасчин хочтой болж бно, гэхдээ матаагүйгээс болж өөр хэчнээн хүний эрх зөрчихийг таашгүй шүүдээ

— жижиг халбага (@lil__spoon) December 17, 2019

Арай ч үгүй байлгүй дээ! Тийм том, миний дэмжиж хүндэлж байсан төслийг менеж хийж байгаа хүн ийм үйлдэл хийж - бусдыг хэлээгүй үгээр гүтгэж, харилцагч байгууллага руу маань имэйл бичсэн юм уу тэ! Эцсээ хүртэл чамтай тэмцэх болно!!! https://t.co/60Ld2CtcPH

— OOGII (@OOGIIHEELS) December 17, 2019