Булган аймгийн Орхон сумын Халиун багийн “Уушийн гарам” гэдэг газар зургаадугаар сарын 25-ны өдрийн 23:00 цагийн орчим нийслэлийн Баянзүрх дүүргийн харьяат иргэн 31 настай, эрэгтэй Д “Орхон” голоос загас барихаар яваад усанд осолдсон тухай дуудлагыг Онцгой байдлын газар хүлээн авсан.
Аврагчдыг очиход иргэд Д-гийн цогцсыг иргэд “Орхон” голоос гаргасан байсныг цагдаагийн байгууллагад шилжүүлэн өгчээ.
Он гарсаар улсын хэмжээнд 06 дугаар сарын 23-ны өдрийн байдлаар 9 аймгийн 17 сум, нийслэлийн 3 дүүрэгт нийт 24 удаагийн усны осол гарч, 27 хүн амь насаа алджээ. Үүний 23 нь том хүн, 4 нь хүүхэд байгаа юм.
Тиймээс ОБЕГ-аас үер, усны аюулаас урьдчилан сэргийлэхийг сануулсаар байна.
Зөвлөмж:
-Гол усны ойролцоо амарч зугаалахгүй байх,
-Бороотой, гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчих,
-Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах,
-Үер, усны аюулаас урьдчилан сэргийлэх тухай мэдээ мэдээлэл, дохиог хүлээн авсан даруйдаа бусдад дамжуулах, түгээх,
-Гэр, хашаа, саравч, орон байрыг гуу жалга, голын ойролцоох эрэг, татамд барихгүй, суурьшихгүй байх,
Үерийн ус зайлуулах суваг шуудуу, далан хашлага барих зэргээр үерийн аюулаас урьдчилан сэргийлэхийг анхааруулж байна.