Солонгос улсад хөдөлмөрийн гэрээгээр ажиллах иргэдийн цахим бүртгэл эхэллээ

Б.Баясгалан
08 сарын 05, 2019

БНСУ-д хөдөлмөрийн гэрээгээр ажиллах иргэдийн хэлний шалгалтын бүртгэлийн цаг авах систем өнөөдөр нээгдлээ. Бүртгэл өнөөдөр буюу 08 дугаар сарын 05-ны 08.00 цагт нээгдсэн бөгөөд 17.00 цагт хаагдана.

Та https://solongos.hudulmur-halamj.gov.mn/линк дээр дарж, Солонгос хэлний шалгалтын бүртгэлийн цаг авах боломжтой.

Бүртгүүлэгчдийн анхааралд:

-Та зөвхөн өөрийн оршин суугаа дүүргийг сонгож бүртгүүлнэ. /Иргэний үнэмлэх эсвэл ТҮЦ машины лавлагаа/

-Хэрэв өөр дүүрэг сонговол бүртгэлийн дугаар хүчингүй болно.

-Програмд өөрийн мэдээллээ үнэн зөв оруулаагүй бол ХХҮЕГ хариуцахгүй.

-Та бүртгүүлэхдээ компьютер эсвэл гар утаснаасаа нэг л удаа бүртгүүлэх боломжтой

-Та бүртгэлийн асуултад буруу хариулсан тохиолдолд таны бүртгэл хүчингүй болж, бүртгүүлэх боломжгүй болно.

-Та тухайн техтийн өмнө байх улаан дөрвөлжин дээр дарах, эсвэл текст дээр дарснаар дараагийн хэсэг рүү шилжинэ.

-Регистерийн дугаар оруулах хэсэгт зөвхөн өөрийн регистрийн дугаараа крилл буюу монгол үсгээр бичнэ.

Бүртгүүлэхэд тавигдах шаардлага:

-Бүртгэлийн дугаар авахад оруулсан мэдээлэл баримт бичгээс зөрсөн тохиолдолд дугаар хүчингүй болно.

-Монгол Улсын иргэн байх. Гар болон хөлийн сарвуу бүтэн байх

-18-аас 39 настай байх (1979 оны 8 дугаар сарын 6-өөс 2001 оны 8 дугаар сарын 5-ны өдрийн хооронд төрсөн байх).

-БНСУ-аас албадан болон тус улсыг орхин явах захирамж гаргуулж байгаагүй байх.

-БНСУ-д зорчих, тус улсад байх хугацаандаа торгууль төлсөн, хууль журам зөрчсөн тухай цагдаагийн тэмдэглэлд ороогүй байх.

-Монгол Улсаас гарах эрхээ хязгаарлуулаагүй байх.

-Өнгө ялгах чадвартай байх, нурууны диск, гарын хуруу дутуу тохиолдолд СХТТШ-д орж, тэнцэж болох хэдий ч 2 дахь шалгалтад ажил үүрэг гүйцэтгэх чадамжгүй гэж үзэн хасагдахыг анхаарна уу.

Бүртгүүлэхдээ анхаарах зүйлсийг дүрс бичлэгээр хүргэж байна.