Ирэх даваа гарагт Засгийн газрыг огцруулах бичиг өргөн барина гэсэн мэдээлэл ойрхон давтамжтай цацагдаж байна. Олны анхаарал татсан энэ асуудалтай холбоотойгоор улстөрчид байр сууриа илэрхийлээд эхэллээ. МАН-ын зарим гишүүний хэвлэлд өгсөн байр суурийг хүргье

Засгийн газрыг огцруулах шалтгаан биш шалтаг л их байна

Засгийн Газрын Хэрэг Эрхлэх Газрын дарга Ж.Мөнхбат

Засгийн газрыг огцруулах гарын үсэг цуглуулж байгаа нь улс төрийн зорилготой. Өвөлжилтийн бэтгэлт, цэцэрлэг сургуулийн сургалтын төлбөр, ургац хураалт гэх мэт Засгийн газарт хийх зүйл их байна.Засгийн газрыг огцруулах үндэслэл нь татвар нэмсэн, хүүхдийн мөнгийг олгохоо больсон зэрэг гэж сонссон. Үүнийг Засгийн газраас шийдээгүй, УИХ шийдвэрлэсэн. Засгийн газрыг огцруулах шалтгаан биш шалтаг л их байна" гэлээ. 

Засгийн газар огцрох ёстой

УИХ-ын дэд дарга Ц.Нямдорж

60 тэрбумын бичлэгийг эвлүүлэг биш жинхэнэ бодит болсон яриа. Тиймээс МАН-ын Удирдах Зөвлөл бүрэн бүрэлдэхүүнээрээ огцрох ёстой, Засгийн газрыг ч огцрох ёстой.  


Энэ асуудлын цаана У.Хүрэлсүх бий

УИХ-ын гишүүн Н.Номтойбаяр

Засгийн газрыг огцруулах асуудлын цаана Монгол Улсын Шадар сайд У.Хүрэлсүх бий. За, тэгэхээр энэ хүнд засгаа мурьж, өөрийн зам мөрөө хөөхөд шалтаг шалтгаан хэрэгтэй болно. Тэр шалтаг нь тагнасан, чагнасан гээд Ерөнхий сайдаа гүтгэж, үүнийгээ үнэмшилтэй болгохын тулд тагнуулд ажиллаж байсан намайг татаж оролцуулаад байгаа юм.

Share