Шинэ коронавирусийн халдвараас урьдчилан сэргийлэх зорилгоор уламжлалт Цагаан сарын баярыг энэ жил тэмдэглэхгүй байх нь зүйтэй гэж Улсын онцгой комисс өнгөрсөн даваа гарагт шийдвэрлэсэн. Улсын онцгой комиссын тус шийдвэрийг Монгол Улсын Ерөнхийлөгч Х.Баттулга дэмжиж, Цагаан сарыг бүх нийтээр тэмдэглэхгүй байх зарлигийн төсөл боловсруулжээ.

Цагаан сарыг тэмдэглэхгүй байх Ерөнхийлөгчийн зарлигийн төсөлд саналаа нэмж тусгахаар Засгийн газар яг одоо хуралдаж байна.

Ерөнхийлөгчийн зарлигийн төсөлд Цагаан сарыг тэмдэглэхгүй байхаас гадна Цагаан сарын баярт зориулсан үзэсгэлэн худалдааг хязгаарлах тухай тусгасан байна. 

Засгийн газар саналаа тусгасны дараагаар Ерөнхийлөгч Х.Баттулга Цагаан сарын баярыг тэмдэглэхгүй байх, болзошгүй аюулаас урьдчилан сэргийлэх зорилгоор зарлиг гаргах нь тодорхой боллоо.


Share