Үр хүүхдээ боловсролтой, зөв үзэл хандлагатай, чадварлаг нэгэн болгож өсгөхийг хүсэж тэмүүлж яваа эцэг эхчүүдийн гарыг авлага болохуйц “Хамгийн гоё зуны амралт” хэмээх ном хэвлэгджээ.

Эхний цуврал “Хамгийн гоё зуны амралт” номд хүүхдээ хэрхэн зөв хандлагатай болгох, асуудлыг хэрхэн харж, шийдэл гаргаж болох, үүнд эцэг эхийн оролцоо дэмжлэг ямар чухал болохыг харуулжээ.

Зохиолч Эрик Клок, О.Энхзул нар энэхүү цуврал бүтээлээрээ дамжуулан олон улсад шалгарсан хувь хүний цогц хөгжлийг дэмжих “энтерпрайз” боловсролын ойлголтыг олгохыг зорьсон байна. 

Эцэг эхчүүд, бага насны хүүхдүүд энэхүү цуврал номоор дамжуулан: 

• Хүнлэг, зорилготой эерэг нэгэн болгох 

• Хүүхдийн бүтээлч сэтгэлгээг хөгжүүлэх 

• Нийгэм, байгаль орчиндоо дасан зохицох чадварт сурах

• Өөрийгөө зөвөөр илэрхийлэх, бусдын оронд өөрийгөө тавьж чаддаг байх зэрэг олон талын зөөлөн ур чадваруудыг эзэмших боломжтой.

Хүүхдийг бага наснаас нь ирээдүйд бэлтгэх, төслийн менежментэд сургах зэрэг цогц хөтөлбөрийг хэрэгжүүлдэг. Энтерпрайз боловсролын талаар номын зохиолч О.Энхзул “Энэхүү номыг амьдралд тохиох аз, боломжуудыг эрэлхийлэгч бяцхан охид хөвгүүдэд зориулсан” хэмээжээ. 

Энтерпрайз боловсрол хүүхдийг бүрэн хөгжүүлдэг. Оюуныг хөгжүүлж, аливаа сорилт бэрхшээлийг өөртөө итгэлтэйгээр даван туулж, ажил, амьдралын аль ч талбарт амжилтад хүрэх бат бөх суурийг бий болгоход онцгой үүрэгтэй” хэмээн онцолсон юм.

Ярилцлага үзэх: 

Хүүхэдтэйгээ хамт унших энэхүү цуврал ном танай гэрийн номын санд чухал байр суурь эзэлнэ гэдэгт итгэлтэй байна. Хүн болж төрснийхөө зорилгыг биелүүлж, өөрөө өөрийнхөө шилдэг хувилбарыг бүтээх адал явдал бүхэн амттай байг.